mijil iku kudu kok rasakake mobahe rosoniro,
Saiki Bab MIJIL, mangkono temene putro yen mijil, KANG
ONO SEJATINE ASMO..
ASMO SEJATI LAN SEJATINE ASMO. Tinengeran ASMO SEJATI
kuwi lakune dewe, Lakune Angen-angen, Budi Pekerti lan Poncodriyo. SEJATINE
ASMO KUWI HERUCOKRO ya KANJENG RAMANIRA,
Dadi ing kono ono daupe loro dadi siji, loro mau
bebarengan, Nanging ASMO SEJATI nggembleng mring SEJATINE ASMO tegese
ASMO SEJATI KUDU NDEREK LAN MANUT KLAWAN SEJATINE ASMO, MERGO SEJATINE ASMO
KUWI KANG PINARINGAN PURBOWASESO DUDU ASMO ASMO SEJATI. Mulo ASMO SEJATI
OJO KUMINTER, OJO MBUDAK MRING SEJATINE ASMO, OJO MILIK BARANG SEJE. MERGO
SEJATINE ASMO IKU KENG ROMO ASMO SEJATI JENENGSIRO, Tegese jenengsiro
DIGENDONG-DIEMBAN DENING KANJENG RAMANIRA. Mulo nek jenengsiro mijil
kuwi ojo duwe pangiro lan panggonto nek KANJENG RAMANIRA ora pirso, kuwi keliru
kuwi kesasar. Mergo ing ngendi papan dunungmu pasti lan yekti jenengsira
diemban dening Keng ROMO nanging jenengsiro durung biso ngenggoni peparingane
KANJENG RAMANIRA Kanti Trep, Kanti Bener, Kanti Pas. Kang wekasan ana
sasar klawan susur, sasar klawan susur kuwi mau kang nyebabake banjur
sabdo-sabdo kang lantaran tutukmu ora dadi. Lha kuwi sabdone angen-angen, budi
pekerti, poncodriyo wis pasti yen ora diembani dening SEJATINE ASMO ora bakal
dadi. Mergo opo? Sabdane obah soko angen-angen, budi pekerti, poncodriyo
kang nyasar soko SEJATINE BENER, Kang nyasar Soko Welas-Asih-Tresno kang ora
laras klawan pokok-pokok kang wis dadi ukum-ukume urip kang jenengsiro weruhi
lan ngerteni, ora laras klawan lakune ROSO SEJATI-SEJATINING ROSO. Yen
jenengsiro mijil nyebut ASMO SEJATINIRO kuwi -Sepisan: Asmoniro jenengsiro
sebut iku jenengsiro kanteni Roso Bekti lan Roso Welas-Asih-Tresno, tandane
ingkono jenengsiro sumiwi mring ngarsane Kanjeng RAMANIRA. Ojo nyebut
asmoniro sejati iku kaya dene nyebut budakmu, opo adimu, opo kanganmu, nanging
pada wae umpamane kanggo mangkono kaya dene wong wadon nyebut asmane garwane,
dadi bektine wong wadon mring guru lakine. Mergo sejatine LANANG JATI IKU YO
URIP, WADON JATI IKU ROGO. Rogo nyebut ASMO SEJATI IKU DADI KUDU KANTI ROSO
BEKTI, ROSO SUMIWI, mergo ojo lali GARWO SEJATINIRO KUWI DUDU MANUNGSO, KUWI
PANGERAN SEJATI. Mulo yen nyebut Asmo Sejatiniro yo alus kanti Roso.
Tegese Jenengsiro ngetokake praptaning Sejatine Roso kanti Roso Sejatiniro.
Kaping pindone bab iki: yen jenengsiro mijil iku kudu kok
rasakake mobahe rosoniro, Ingkono bakal ono pituduh-pituduh tumrap marang laku
kang arso jenengsiro tempuh. Mergo NADYAN RAGANE DURUNG MANGERTI, SEJATINE
RASANE WIS PIRSO LUWIH DINGIN, ROSO MAU ASUNG PITUDUH MRING JENENGSIRO LANTARAN
OBAHING ROSO UGO, Lha yen jenengsiro durung mangerti rasane dewe, lha
gek sopo sing kon ngerteni.? Mulo jenengsiro KUDU TERTIB, NGETUTAKE TOTO
TITI, TITENONO OBAH POLAHE RASANE DEWE, DIMEN JENENGSIRO BISA NGERTI PITUTURE
SANG GURU SEJATNE, MERGO SANG GURU SEJATI AWEH PITUTUR MARANG JENENGSIRO KUWI
ALELANTARAN RASANE. Lamun JENENGSIRO ORA NGERTENI MOCO RASANE DEWE, IKU
YO PASTI ORA BAKAL BISO NGERTENI. Mulo kang Mijil yen ono kroso... Koyo
mengkene, ning durung ngerti, TITENONO KANG BAKAL TUMEKO NGENANI AWAKMU, GEPOK
SENGGOL KLAWAN AWAKMU iku sakbanjure. Yen Jenengsiro TITEN TEMEN-TEMENAN
MOBAH POLAHING RASAMU SAKDURUNGE DUMADI ONO KAHANAN LELAKU, JENENGSIRO NGERTI
LUWIH DINGIN, MERGO JENENGSIRO DEN EMBAN DENING PANGERAN IKU
WASPODO-WASPADANE-WASPODO. MULO AJARO MRING GURU SEJATI, ENTENONO OBAH
POLAHING RASAMU, MERGO MOBAH POLAHING ROSO KUWI ASUNG PEPADHANG MARANG
JENENGSIRO, PEPADHANG IKU WUJUDING GILAR-GILARE ROSO YA WUJUD TOTO TENTREM LAN
SLAMET BASUKI MRING RAGAMU. YEN JENENGSIRO TATA-TITI TEMEN-TEMENAN PASTI ORA
ONO ALANGAN SAWIJI OPO KANG BAKAL NGENANI RAGAMU. Iku Bab MIJIL.
~(Saduran Rekaman Suara Romo Semono.1972-WEDARAN ROMO SEMONO PITULAS TAHUN
MIJIL)
Tidak ada komentar:
Posting Komentar