Jagad Lan Urip Dadi Siji.
WEDARAN ROMO SEMONO PITULAS TAHUN MIJIL
(Saduran Rekaman Suara Romo Semono,1972)
Mulo mangertio to, Kabeh kuwi dasare amung welas asih
kelawan tresno.
Yen Jenengsiro ninggal kuwi wis ateges Jenengsira
ninggal ROMO,
Ninggal ROMO nggawe peteng neng awakmu, peteng mau rogo
ugo ngalami, banjur Jenengsira tetangisan sambat mring RAMAmu.. ''Genea aku wis
manunggal kok jik ngene?'' Lha kuwi Salah mergo Pangolah lan
Pangrenggamu ora trep. Yen kaya ngono aja nyalahake dalan, Margo kuwi, iki
wis Bener Benering Bener, Adil Adiling Adil, Ringkes Ringkesing Ringkes.
Yen Jenengsira manggon dawuh kang ringkes kuwi ora perlu ngerti akeh-akeh.
Sakjane mungguh kaya kang takkandakake ''DASARE MUNG LUGU, KAYA LUGUNE WONG
MANUNGGAL, WONG MANUNGGAL KAE ORA MBUTUHAKE KAPINTERAN AKEH-AKEH, WATON DUWE
KUNCI LANANG WADONE KUMPUL YA BISA METENG SING WADON''. Lha mengkono iku
Jenengsira yen nuhoni dawuhe ROMO iku lugu pasti timbul JABANG BAYI SEJATI..
JABANG BAYI SEJATI IKU MOHO SUCI.. Tak kandani dudu wong, Mergo iku
KUNCI mulo kinaran JAGAD ANYAR, Mulane disebut RATU ADIL, RAT kuwi JAGAD
ADIL kuwi URIP, JAGAD LAN URIP DISEBUT DADI SIJI. Tegese JEJER, Awakmu wis
dijejerake klawan PANGERAN. Iku aja lali nadyan ragamu ala-o kaya ngapa
nek Jenengsira bisa ngetrepi janji, pasti Jenengsira bisa lungguh ing
kaluhurane PANGERAN. Mergo PANGERAN kang bakal nggendong, kang bakal
nyunggi kanthi suka lan seneng merga putra kang wis nduduhake ngerti marang
kang nganakake, ngluhurake sumungkem sumiwi nyang kang nganakake, pasti kang
nganakake bakal njunjung manungsane ugo kang kaluhurne. ~(Saduran
Rekaman Suara Romo Semono,1972-WEDARAN ROMO SEMONO PITULAS TAHUN MIJIL)
Tidak ada komentar:
Posting Komentar